Servizos
A Psicoterapia Individual
Trátase dun servizo de acompañamento psicolóxico profesional para persoas adultas, tanto presencial (en Santiago de Compostela) como na modalidade online.
Acompaño procesos individuais dende 2016, ocupando o meu lugar de terapeuta dende os coñecementos de base que me proporcionan a Licenciatura en Psicoloxía (colexiada nº G-5618) e a Diplomatura en Educación Social, así como a especialización en Terapia Gestalt que é o meu enfoque principal, ademais de outras ferramentas artísticas e creativas que fun incorporando ao longo dos anos.
Comezamos cunha primeira entrevista para coñecernos e saber que che está a ocorrer, tamén para contarche como traballo.
Para concertar unha entrevista ou pedir máis información, podes contactarme en: sandra@cuartocrecente.com.
O tarot humanista
O Tarot é unha arte e a tarotista unha intérprete.
Sabedes que validez científica ten o Tarot?
Ningunha.
A linguaxe do tarot e o impacto na persoa é subxectivo e diverso.
Coma o impacto que calquera obra de arte ten na vida de cada unha.
Que é o tarot?
O tarot é unha ferramenta proxectiva, filosófica e espiritual. Nas súas 78 cartas (22 arcanos maiores e 56 arcanos menores) ilústranse os arquetipos enerxéticos que nos informan das medras internas que, de ser integradas, nos permiten situarnos na vida dun xeito máis pleno e consciente.
O tarot é unha viaxe, o camiño do heroe, e tamén é, paradoxalmente, unha volta a casa, á fonte.
Que preguntas se formulan?
O tarot que eu practico non adiviña ningún futuro, é evolutivo.
As preguntas que se lle formulan son en presente, no aquí e agora: que necesito saber sobre este asunto que me bloquea?
Como podo mellorar a miña relación con esta persoa?
Que me sobra e que me falta no enfoque que lle estou dando a este tema?
Un marabilloso misterio
O Tarot responde e a tarotista é un canal. Quen ou que está detrás do tarot?
O Inconsciente Colectivo (diría Jung) e outras lle chamarían Universo, a Vida, o Todo, Pachamama ou o nome de calquera deidade.
Máis información
Se che apetece recibir unha sesión de tarot, obter máis información ou agasallar a algunha amiga con esta experiencia, escríbeme a: sandra@cuartocrecente.com
A escola crecente
Unha ilusión no presente e un proxecto de futuro: unha escola.
Estou na elaboración e deseño de propostas formativas para lunáticas curiosas.
Esperando a concretarse, aquí deixo o anuncio!
Caderno Lunar
No Results Found
The page you requested could not be found. Try refining your search, or use the navigation above to locate the post.
