Psicoloxía e arte para luces e sombras
En las noches claras,
resuelvo el problema de la soledad del ser.
Invito a la luna y con mi sombra somos tres.
Gloria Fuertes
Cuarto Crecente é un acontecemento lunar.
Cando observamos a lúa nesta fase só podemos ver a metade iluminada polo sol, a outra parte permanece na sombra. E, aínda así, sabemos que é unha esfera. Temos ese coñecemento previo da totalidade, de que hai unha parte que sabemos que está, pero non resulta accesible.
En Cuarto Crecente estamos todas.
Moitas veces é así como nos sentimos. Partes da nosa psique, do que pensamos, facemos ou deixamos de facer, da repetición de certos patróns ou a dificultade en saber que necesitamos ou que sobra, escapan á nosa consciencia.
Suceden pero non vemos que son, están nun lugar sombrío. E sen luz, andamos ás tentas.
A invitación deste espazo é a de aceptar a existencia das sombras (o inconsciente), ver con maior claridade e dende aí, con amabilidade e calma, facernos responsables da esfera completa.
Tamén a de iluminar as sombras do colectivo, onde o benestar xa non é tarefa só de unha, se non da comunidade por enteiro.
Os artefactos iluminadores son variados: a Psicoloxía, a Educación Social, a Terapia Gestalt e as artes en xeral e o Tarot en particular, como unha das manifestacións artísticas máis ancestrais.
Queres acceder a túa sombra? Respira fondo: trátase dun acto sagrado.
Unha lunática
Chámome Sandra Martínez Fernández e nacín no ano 82 no rural lugués.
Primeiro foron os libros. A maneira de viaxar a outros lugares e persoas, con tantas formas distintas de pensar e vivir.
Logo, escribir. A fame de historias, de crear as personaxes propias.
A música, atravesando o corpo, espertando e canalizando as intensísimas emocións dunha adolescente punk.
O cine, o hipnótico dun primeirísimo primeiro plano dunha bágoa que cae polo rostro da protagonista. Canto sucedía naquel cuarto propio de orixe e canto ten que ver con quen son e como traballo.
Palabras amables de quen pasou por aquí…
Sara
“Non sei se Sandra é consciente do agradecida que estou de tela atopado. O seu acompañamento supuxo unha mellora enorme…
Laura
“Hai máis de cinco anos que comecei o meu camiño con Sandra. Cheguei á súa consulta con moitas dificultades para…
Silvia
“A miña experiencia co acompañamento de Sandra foi de moita utilidade para crecer e poder atravesar algunhas etapas vitais. Serviume…
Abel
“Hai ocasións na vida nas que podes necesitar un acompañamento a nivel emocional para coñecerte e aceptarte. En momentos coma…
Adri
“Una experiencia transformadora. Llegué a Sandra con la sensación de estar siendo engullida por una ola gigante, sin rumbo, con…
Manu
“O proceso terapéutico que vivín con Sandra cambiou a miña forma de vivir. Empeceino cheo de sufrimento e ansiedade. Remateino…
